Capo
Transpose0
5/9
သထေးမိူင်းတႆး
တႅမ်ႈ ႁွင်ႉ သိူဝ်းၵႅမ်ၶိူဝ်း ၸွႆႈႁွင်ႉ ၼၢင်းမွၼ်းလၢဝ်
(ၸၢႆး)
ꧦလိုၵ်းၽွင်းၵူၼ်းၼွၼ်းယဵၼ် ꧦ
ၶွႆပိူၼ်ႈမီးၵေႃႉၼွၼ်းၵွမ်ႇဢုၼ်ႇ
ၵႅၼ်ႇၶႂ်ႈလႆႈမေးၵေႃႉၼွၼ်းၸွမ်း
တေမီးၽႂ်သူၼ် ပဵၼ်တူၼ်ႈႁိူၼ်းၼေႃႇ
ပီႈၵူၼ်းၵျေႃႇမေႃႁွင်ႉႁဵတ်းၵႂၢမ်း
သင်လႆႈမေးသၢဝ် ဢမ်ႇႁႂ်ႈလႆႈတၢၵ်ႇလႅတ်ႇ
ၵူဝ်လမ်လႅတ်ႇ ၵူဝ်ၼိူဝ်ႉၼင်သႃး
ၶူပ်ႇမိူဝ်ႈၼွၼ်းဝၼ်း တေပႂ်ႉဝီးမႅင်ႇ
ၵမ်ႈၸႂ်သူယႃႇလုၵ်ႉၸဝ်ႉၽႅဝ်
ဢမ်ႇႁႂ်ႈမေးသၢဝ် လႆႈႁၢမ်လႆႈႁၢပ်ႇ
ႁွၼ်ႉလႆႈဢၢပ်ႇ ၶႂ်ႈယၢၵ်ႇလႆႈၵိၼ်
မႅင်ႇတိုဝ်းၶႅပ်းတိၼ် ဝိၼ်ၶိုၼ်ႈလူမ်းတၢင်ႇတၢင်ႇ
Solo:
(ယိင်း)
ꧦလိုၵ်းၵူၼ်းပေႃးၼွၼ်းယဵၼ် ꧦ
ၼႅတ်ႈမိူဝ်းၶဝ်ႈၼွၼ်း
ၵူဝ်မၢဝ်ႇထဝ်ႈမႃးဢႅဝ်ႇ
ၼႃႈဢမ်ႇဢၢႆ တႃဢမ်ႇၶၢၼ်ႉတႃႇသေႇ
ၵိတ်ႇတႃၼွၼ်းပိူၼ်ႈပေႉၸင်းၼႃႇ
ၵုမ်ႇတိုပ်ႈတိၼ် သမ်ႉၵႆႉၵႆႉယွၵ်ႇမႃ
မႃးႁွင်ႉႁဵတ်းၵႂၢမ်းၼေ သဵင်လဵၵ်ႉသဵင်ယႂ်ႇ
ထၢင်ႇပိူၼ်ႈတေမွင်းပႂ်ႉထွမ်ႇႁိုဝ်
မိူၼ်ၼူၵ်ႉၵႃဝဝ်း ႁုမ်ၼူၵ်ႉၸီးၸႅပ်ႇ
မေႃးဢီဢီမိူၼ်ၶူၵ်ႉၵဝ်ႉလူၺ်
ၽိူဝ်ႇသုၵ်ႉမႃလူၺ်း ဝၢႆႇလိုပ်ႈလမ်းဝူတ်ႇ
သၢင်ႇမေႃးဢူၼ် ႁဝ်းတူၺ်းသူၼႆႉ
ၽၢၼ်ႁိူၼ်းၽၢၼ်ယေး လႅပ်ႈၵွတ်းၼႃႇၼႅၼ်ႇ
Solo:
(ၸၢႆး)
ꧦ ႁိူၼ်းသွင်ၸၼ်ႉယႂ်ႇထူၼ်ႈ ꧦ
ပုင်ႇႁိူၼ်းၶိုတ်းပၢၼ် လင်ၵေႃႈလင်ယႂ်ႇ
မူတင်းၵႆႇ သမ်ႉယူႇလူၺ်ႈၵူၼ်း
ၸၼ်ႉတၢင်းဝူၼ် ဢဝ်ဝႆႉၶဝ်ႈၵၢပ်ႇ
ၵူႇတႂ်ႈၶိုဝ်ႇ တီႈယူႇတီႈၵိၼ်
ၸၼ်ႉၸပ်းလိၼ် ပဵၼ်တီႈၼွၼ်းၵႆႇ
မႃငႃးၽၢႆ သမ်ႉသႂ်ႇၶဵဝ်ႈၶမ်း
မူမႄႈလွင်ႈ ယင်းတိုၵ်ႉဝဵင်ႇၵိူတ်ႇ
ပဵတ်းဢၢတ်ႇၽိူၵ်ႇ တဵမ်လူၼ်ႉလူဝ်ဝၢင်း
ၶီႇၶိူင်ႈမိၼ်သေလႄႈလူင်းၸၢႆႇၵၢတ်ႇ
သၢႆၶေႃးသိပ်းဝၢတ်ႇႁဵတ်းသၢႆၽႃႈၵၢင်
သိုဝ်ႉတိုဝ်းၶႅပ်းတိၼ် ၶွၼ်ၼိုင်ႈသႅၼ်သီႇမိုၼ်ႇ
Solo:
ပဵၼ်သထေးမိူင်းတႆး
ဢၢႆႈပဵၼ်သထေးမိူင်းတႆး
ၶၢႆၽၵ်းၼွႆးသိုဝ်ႉလႆႈဝူဝ်းၵမ်ႇတုၺ်ႇ
ၶၢႆမိၼ်ႉၽွင်လႆႈငိုၼ်းသၢမ်သႅၼ်
ၶၢႆၶိင်ၶႅင် လႆႈထႅင်ႈသွင်သႅၼ်သီႇ
ၶၢႆၽၵ်းမီႇ လႆႈထႅင်ႈသီႇသႅၼ်သွင်
သႆႉမၢၵ်ႇၽိတ်ႉၽွင် လႆႈထႅင်ႈသွင်သႅၼ်ပႅတ်ႇ
ၵဵပ်းၶၢႆၵႅပ်ႇ လႆႈပႅတ်ႇသႅၼ်ၸဵတ်း
ၶၢႆၶႆႇပဵတ်း သိုဝ်ႉလႆႈၶမ်းသီႇဝၢတ်ႇ
ထူၺ်ႈၽၵ်းၵၢတ်ႇ မိူဝ်းၵႂႃႇၶၢႆၼႂ်းဝဵင်း
ၶၢႆထူဝ်ႇလိၼ်လင်ၼိုင်ႈ ႁူၵ်းမိုၼ်ႇပႅတ်ႇ
ပိူၼ်ႈမႃးသွၼ်ႇလွင်ႈငိုၼ်းၸွႆႈထႅမ်
သၢႆႈၼီႈဢိတ်းဢွၼ်ႇလိူဝ်ၵႃႈပူႉသီႇပၢၵ်ႇ
(ယိင်း)
ဢမ်ႇတွၼ်ႉငိၼ်းသေပွၵ်ႈ
မၢဝ်ႇသထေးမိူင်းတႆး
မီးငိုၼ်းသီႇပၢၵ်ႇ တေဢၢၼ်းၽၢၵ်ႇသၢဝ်
ၸၢတ်ႈၼႃႈမႂ်ႇမႂ်ႇ ၸွင်ႇႁူပ်ႉၵၼ်ယဝ်ႉ