Fret 1
0
5/9
V1. မီး ပရပိူၵ်ႈၵူၼ်းၸၢႆးၵေႃႉၼိုင်ႈ မီး ပရပိူၵ်ႈၵူၼ်းယိင်းၵေႃႉၼိုင်ႈ မိူဝ်ႈၵွၼ်ႇဢွၼ် တီႈမိူင်း
ဝူၺ်ႇသႃႇလီႇ ထိုဝ်ယုမ်ႇယမ် ပၢႆးဝူၼ်ႉပိူင်ႈတိၵ်ႉထိမိၵ်ႉသႃႇ လွင်ႈပၢႆးၵတ်ႉပၺ်ႇၺႃႇ ႁႃႈပၵ်ႇၼင်ႇၵၼ်
ဢွၵ်ႇၺႅၼ်ႇသေလႄႈလႆႈၶေႉၶဵင်ႇ ၽႂ်ဢမ်ႇပေႉပဵင်းၽဵင်ႇၵၼ် ႁၼ်ၸိူင်ႉၼင်ႇၼၼ်လႄႈ ၸဝ်ႈမုၼ်ယႂ်ႇ
ၶုၼ်ႁေႃၶမ်း မီးတၢင်းၵမ်ႉၸွႆႈ တူၺ်းႁၼ် ၵူပ်ႉၵူႈပၼ်သွင်ၶႃတေႇၼႃႈႁိူၼ်းလဵဝ် ၵိူတ်ႇ ဢွၵ်ႇလုၵ်ႈ
သေၽူႈယိင်း လႄႈလုၵ်ႈၸၢႆးဢွၼ်ႇၵေႃႉၼိုင်ႈ လႆႈသိုပ်ႇသွၼ် ပုတ်ႈဢဝ်တၢင်းၵတ်ႉပၺ်ႇၺႃႇ
တီႈပေႃႈတင်းမႄႈသွင်ၽၢႆႇ လႆႈတၢင်းၵတ်ႉၵေႃႉၼိုင်ႈႁဵင် မိူဝ်ႈယႂ်ႇသုင်ပေႉတူဝ်ၶိင်းၸႂ်ႉလုၵ်ႈယိင်း လုၵ်ႈၸၢႆး ၶေႉလွင်ႈတၢင်းၵတ်ႉၼႂ်းပုၼ်ႈၵမ်ႇၽႃႇ သင်ဝႃႈလႆႈသုမ်း ၵေႃႈပဵၼ်ၵူၼ်း တေလႆႈဢူတ်ႇထူၼ်း
ၸွမ်းလုမ်းလႃးပဵၼ်မေး ၸူဝ်ႈၸၢၼ် သင်ပဵၼ်ၸဝ်ႈရႃႈႁၢၼ်း သင်ႇၶႃႇတေလႆႈၸွမ်းၵႂႃႇၶၢမ်ႇပဵၼ်
တပ်ႈပေးၸဝ်ႈရႃႈႁၢၼ်း သင်ႇၵႂၢမ်းမၼ်ႈဝႃႈၼႆ ၵူႈတီႈၵူႈၶဵင်ႇၵူႈပေႉမႃးၼႆၵေႃႈ ထိုင်တီႈထူပ်းၺႃး
ၸဝ်ႈသႃႇရိပုတ်ႉတရႃႇ သင်ႇၶႃႇရႃႈႁၢၼ်းၸဝ်ႈမီးသိၼ် သေလုၵ်ႈယိင်းသုမ်းၵၢၼ်ႉသေ လႆႈတြႃးယဵၼ်
ၶၢမ်ႇပဵၼ်ရႃႈႁၢၼ်း ၸွမ်းပဵၼ်တပေးၸဝ်ႈသေ ၵေႃႉပဵၼ်သိတ်ႉသၵၵရပိူၵ်ႈတေႉၸိုင် ဢၢင်ႈတႃႉ
ၶေႉၶဵင်ႇ ၵႂႃႇႁႃၸူးၸဝ်ႈၵေႃးတမသေ ထဵင်ၵမ်ႇထဵင်လိပ်း ယိပ်းတိုဝ်းပၢႆးႁူႉၸဝ်ႈၵဝ်ႇ ဢၼတ်ႉ တႃႉ
တြႃးၼႆႉပဵၼ်ဢတ်ႉတႃႉဢိူဝ်ႈဝႃႈၸိူင်ႉၼႆ ၵမ်းၼႆႉၸဝ်ႈၽြႃးၼေတြႃးၸႅတ်ႈပၼ်သပ်းလႅင်းႁႂ်ႈပွင်ႇၸႂ်
သင်ဝႃႈ တူဝ်ၸဝ်ႈၵဝ်ႇဢုပ်ႉပိူင်ႇလႆႈတူဝ်ၶိင်းတေႉၸိုင် ၸွင်ႇတေႁၢမ်ႈသီးလႆႈ တူဝ်ၸဝ်ႈၵဝ်ႇတေထဝ်ႈ တူဝ်ၸဝ်ႈၵဝ်ႇတေပဵၼ် တူဝ်ၸဝ်ႈၵဝ်ႇတေတၢႆ ဢုပ်ႉပိူင်ႇ တူဝ်ယူၵ်ႈၼၢမ်ႇလႆႈၸိူင်ႉႁိုဝ် လႆႈငိၼ်း
ၵႂၢမ်းတြႃးၸႅတ်ႈယဝ်ႉသေ သိတ်ႉသၵပရပိူၵ်ႈ ဢမ်ႇတွပ်ႇၵႂၢမ်းသင်လႆႈ မိုင်ၵႂင်ၸႂ်ယူႇငဝ်ဝႆႉ မိူဝ်ႈ
ၸိူင်ႉၼင်ႇၼၼ် ၶိုၼ်ၽီသိၵ်ႉၵျႃး လူင်းမႃး ႁွတ်ႈထိုင် ယဵၼ်းပဵၼ်ႁၢင်ႈၽီလူး သေဢမ်ႇတွပ်ႇတေပေႃႉ
တၢႆ ဝႃႈၸိူင်ႉၼင်ႇၼႆလႄႈ သိတ်ႉသၵပရပိူၵ်ႈ ၸွင်ႇတေလႆႈယွမ်း ယုမ်ႇယမ်ႁပ်ႉထိုဝ် ဢတ်ႉတႃႉ ၼႆႉ
ပဵၼ်ဢႃႉၼတ်ႉတတြႃးယဝ်ႉ တွပ်ႇၵႂၢမ်းယိုၼ်ႈပွင်ႇၸႂ် ၼႆႉပဵၼ် ပွၵ်ႈၵမ်းထီႉ 6 မဵတ်ႉတႃႇထတ်ႈၽြႃးၸဝ်ႈ
လႆႈပေႉ ဢွင်ႇၶျွတ်ႈ သိတ်ႉသၵပရပိူၵ်ႈယဝ်ႉသေ …
Solo: