Capo
Transpose0
5/9
တ ၵၢႆႇၶိုၼ်းၸမ်ႈၼႃႈ
Artist - တႅမ်ႈ ၸၢႆးမူး
Composer - တႅမ်ႈ ၸၢႆးမူး
Key - -
Beat - -
--- Lyrics ---
တ ၵၢႆႇၶိုၼ်းၸမ်ႈၼႃႈ
တႆး ဢေႃး တႆး တႆး တႆး တႆး တႆးတင်းမူတ်းႁႂ်ႈပဵၼ် တ ၵၢႆႇၶိုၼ်းၸမ်ႈၼႃႈ
တ ၵၢႆႇၶိုၼ်းၸမ်ႈၼႃႈ တ ၵၢႆႇၶိုၼ်းၸမ်ႈၼႃႈ တ ၵၢႆႇၶိုၼ်းၸမ်ႈၼႃႈ
တေသၼ်ႇထေႇမႃးတီႈ သၼ်လွႆလူင်ဢၢႆႈတႆး လိၼ်မွင်ႇၵူဝ်းလီးယႃး
ၵိူတ်ႇယႂ်ႇဢွၵ်ႇမႃးတီႈ သၼ်လွႆလူင်ဢၢႆႈတႆး လိၼ်မွင်ႇၵူဝ်းလီးယႃး
ၼင်ႈႁေႃတင်ႈမိူင်းၶိုၼ်ႈယႂ်ႇ ၽႂ်ဢမ်ႇၽႂ်ဢၢမ်းတႆးႁဝ်း လႆႈပဵၼ်ၸိူဝ်ႉၶိူဝ်းၶိုၼ်ႈယႂ်ႇ
ၽႂ်ဢမ်ႇထဵင်တႆးႁဝ်းလႆႈ ဝၢႆးၼၼ်ႉယဝ်ႉ
ၽၢတ်ႇဢွၵ်ႇတူင်ႇထုင်ႉတီႈ သၼ်လွႆလူင်ဢၢႆႈတႆး လိၼ်မွင်ႇၵူဝ်းလီးယႃး
ၵေႃႇတေႇမႂ်ႇပူၵ်းထႅင်ႈ ႁေႃသႅင်လူင်တီႈမိူင်း လိၼ်ၶႄႇႁိူင်းယၢမ်းလဵဝ်
မၢၵ်ႈလႅမ်လိူမ်ႈလဝ်းလႄႈႁွၵ်ႇ ပဵၼ်မွၵ်ႇပဵၼ်မိုဝ်းတႆးႁဝ်း လိူတ်ႈႁၢၼ်လိူတ်ႈႁတ်းတဵၼ်ႈတွတ်ႇ
ၵမ်ၵွတ်ႇသဝ်တုင်းတႆးတင်ႈ ဝၢႆးၼၼ်ႉထႅင်ႈ
ၵိူတ်ႇယႂ်ႇဢွၵ်ႇလၢႆးလိူင်ႈ ႁိမ်ႁေႃသႅင်ဝၢၼ်ႈမိူင်း ပၢၼ်ၶႄႇႁိူင်း မိူင်းယုင်ႈ
ဢမ်ႇၶၢမ်ႇယူႇၵွမ်းတႂ်ႈ ၸႂ်ၼဵဝ်ၶႅင်ဢၢႆႈတႆး ယႆၽၢတ်ႇလူင်းမႃးထႅင်ႈ
ၼင်ႈႁေႃတင်ႈမိူင်းတီႈမႂ်ႇ လိၼ်ၵျေႃႇၸႂ်မိူင်းမၢဝ်းႁဝ်း မၢၼ်ႈၶဝ်လႆႈယွမ်းသၢၵ်ႈၶွၼ်ႇ
ပၢၼ်ၵွၼ်ႇဢွၼ်ပိုၼ်းတႆးမိူင်း မိူင်းမၢဝ်းလူင်
“ တႆး ဢေႃ တႆး တႆး တႆး တႆး ၶိူဝ်းတႆးႁဝ်းမိူဝ်ႈၵွၼ်ႇ တႆးႁွၼ်ႇႁဵတ်းၶီႈၶႃႈ
တႆးႁွၼ်ႇႁၵ်ႉၸၢတ်ႈၶႃႈ “
Solo:
ပူႇမွၼ်ႇထွတ်ႇလႅဝ်းထႅင်ႈ ပၢၼ်ႁူဝ်လႅင်ဢၢႆႈၵလႃး ၼႃႈၽိူၵ်ႇမႃးၵဝ်းယုင်ႈ
ႁွၵ်ႇပူႇမွၼ်ႇတႅင်းၸွႆႈ သွႆပုမ်ၼႃဢၢႆႈၵလႃး ပၢၼ်ၶိင်ႇၵလႃးယိုဝ်းမၢၼ်ႈ
ၸွႆႈၶဝ်ၵေႃႈသုမ်းလၢႆၼႃႇ တၢႆၵႂႃႇၽႂ်မႃးတူၺ်းတႆး ၵွပ်ႈတူဝ်ပီႈၵလႃးၼႃႈၽိူၵ်ႇ
တႃလိူၵ်ႇမေႃတူၺ်းတႆးလႄႈ ၶႅၼ်းဢိတ်းၼိုင်ႈ
ၶိင်ႇၵျႃႇပၢၼ်ႇလမ်းလိုပ်ႈ သွႆႁူဝ်လႅင်ဢၢႆႈၵလႃး မၢၼ်ႈၵႂႃႇပၢင်းမႃးၵေႃႈ
ပွႆႇၵျႃႇပၢၼ်ႇပွၵ်းမိူၵ်ႈ ထိူဝ်တိၼ်ထိူဝ်ၶေႃႈမိုဝ်း ထိုင်ၶိင်ႇယိုဝ်းၶိုၼ်းၵေႃႈ
ဢၢႆႈလွႆလုၵ်ႈတႆးၸၢင်ႈယုမ်ႇ ဢပုမ်ႇမၢၼ်ႈၵဝ်းတႆးႁဝ်း ၶဝ်ႈထႅမ်ၸွႆႈႁႅင်းထႅင်ႈၵွၼ်ႇ
မၢၼ်ႈႁွၼ်ႇႁိုဝ်ၶိုၼ်းၶူၼ်ႉလႆႈ တႆးႁိူဝ်ႉလၢႆ
ၽိူဝ်ႇၶိင်ႇဢွင်ႇသၢၼ်းၶိုၼ်ႈ တေပဵၼ်ၶုၼ်ၼင်ႈမိူင်း ၸႂ်ယႂ်ႇမိူင်းတႆးလႄႈ
လႄႇယွၵ်ႇသႄႇၵဝ်းလုၼ်ႈ ၸၼ်ၸႂ်ၶုၼ်လုၵ်ႈတႆး ၸႂ်ယႂ်ႇၾႆးၽိူင်းသေ
ငၢၵ်ႈၸႂ်ၸဝ်ႈၾႆႉလႆႈၽၢတ်ႇ ယၢၼ်ယတ်ႇၵႆၵူၼ်းမိူင်းတႆး လႅပ်ႈတေယွင်ႈတႆးၶိုၼ်ႈယႂ်ႇ
မၢၼ်ႈသႂ်ႇၸႂ်တဵၵ်းတႆးၵေႃႈ တႆးတင်းသဵင်ႈ
“ တႆး ဢေႃ တႆး တႆး တႆး တႆး တႆးႁဝ်းလိုမ်းဝူၼ်ႉပွင်ႇ ၵႂၢမ်းဢွင်ႇသၢၼ်းလၢတ်ႈလိုမ်ႈ
ၵႂၢမ်းဢွင်ႇသၢၼ်းလၢတ်ႈလဵၼ်ႈ “
Solo:
ၵုမ်ႇယုမ်ႇဢွင်ႇသၢၼ်းလိုမ်ႈ ၸႂ်ၶႂ်ႈတင်ႈၸိူမ်ႈဝႆး ၸႂ်ဢွၼ်ႇတႆးယူဝ်းလႄႈ
ၵုမ်ႇပွႆႇဢွင်ႇသၢၼ်းယုင်ႈ ၽႂ်ႁိုဝ်မေႃမုင်ႈယၢဝ်း ပုၼ်ႈတႆႇၶၢဝ်းမိူဝ်းၼႃႈ
ႁၢင်ႈႁေႃၸဝ်ႈၾႆႉၼင်ႈၸၢမ်ႇ လႆႈၶၢမ်ႇပၼ်ၵူၼ်းမိူင်းတႆး မုင်ႈႁၼ်ပိူင်ႈၽိတ်းပိူင်ႈၽႅတ်ႇ
ဢၢင်ႈၵႅတ်ႇၶႄမိူင်းတႆးၵေႃႈ တူၵ်းလိုၼ်းပႅတ်ႈ
တေႃႇၶိင်ႇဢွင်ႇသၢၼ်းၼင်ႈ ပၢင်ၵုမ်ၶုၼ်ၵူႈၶိူဝ်း သဵင်ႈၵၢမ်ႇမိူဝ်းမိူင်းၵေႃႈ
ဢမ်ႇပႆႇပွင်ႇႁူႉပိုင်ႈ ၸႂ်ပိုင်ၵႂင်ငိူဝ်ႈလူး သမ်ႉယွင်ႇၸွမ်းဢူးၼူႉ
ယုၵ်ႉဢဝ်ၸဝ်ႈၾႆႉယွင်ႈႁူၺ်ႇ ၸဝ်ႈသူၺ်ႇတႅၵ်ႈႁဵတ်းပိၵ်ႉတူႉ ပိၵ်ႉပွမ်ၸိုင်ႈမိူင်းမၢၼ်ႈၵႂႃႇ
ပုၼ်ႈတႃႇၼိူဝ်တႆးတေႉမၢၼ်ႈ လၵ်းလိင်းထႅင်ႈ
သိုပ်ႇပွႆႇၼေႇဝိၼ်းၸူၼ် ႁိမ်ႁေႃလူင်ၸဝ်ႈၾႃႉ ၼိၵ်ႈၼၢမ်ႇတႆးပႃးထႅင်ႈ
ၵၢမ်ႇၵျၢမ်ႇမႃႇတႆးႁၢႆႉ ပၢႆသေလိူဝ်ပဵၼ်ၶႃႈလိပ်း ၶမ်ႁိပ်ႇၾႆးသိုၵ်းထႅင်ႈ
လုၵ်ႉဝႅၼ်ၽၢင်ႈယိပ်းၵွင်ႈၵၢင်ႇ ဢၢင်ႈမၢင်ႇဢဝ်မိူင်းတႆးၶိုၼ်း လၢၵ်ႈၵမ်တႅမ်ႈပိုၼ်းၼႃႈမႂ်ႇ
ၸႂ်ယႂ်ႇတူဝ်ႁဝ်းၶိုၼ်းလႄႈ တႆးႁတ်းႁၢၼ်
“ တႆး ဢေႃ တႆး တႆး တႆး တႆး တႆးတင်းမူတ်းႁႂ်ႈပဵၼ် တ ၵၢႆႇၶိုၼ်းၸမ်ႈၼႃႈ
တ ၵၢႆႇၶိုၼ်းၸမ်ႈၼႃႈ “
Solo:
Chords Used
1 chord total · tap to hear