ၵႂၢမ်းႁေႃးလုၵ်ႈလၢၼ်
Key: -
Fret 1
0
5/9
ၵႂၢမ်းႁေႃးလုၵ်ႈလၢၼ်
Artist - ဢိူဝ်ႈလီယဝ်ႉလီယဝ်ႉမိူဝ်ႈၼႆႉၶဝ်ႈပဵၼ်မိုဝ်ႉလီပီထုၼ်းဝၼ်းၵွင်း ယၢမ်းၽွင်းမီးမင်ႇၵႃႇလႃႇလီ
Composer - -
Key - -
Beat - -
--- Lyrics ---
ၵႂၢမ်းႁေႃးလုၵ်ႈလၢၼ်
ႁွင်ႉ - ဢိူဝ်ႈလီယဝ်ႉလီယဝ်ႉမိူဝ်ႈၼႆႉၶဝ်ႈပဵၼ်မိုဝ်ႉလီပီထုၼ်းဝၼ်းၵွင်း ယၢမ်းၽွင်းမီးမင်ႇၵႃႇလႃႇလီ
ၵႅၼ်ႇၸဝ်ႈသေယဝ်ႉမဝ်ႇၵႃး ၶုၵ်းၸႂ်လႆႈပႃးႁဝ်းၵေႃႉပဵၼ်ပႃႈပဵၼ်ဢွၵ်ႇပဵၼ်ၼၢႆး သူၸင်ႇလႆႈမႃးလူႇ
မႃးတၢၼ်း ဢဝ်ၼႆႉၵႂႃႇဝၼ်းတႃမိူဝ်းၼႃႈ ႁႂ်ႈလီသေဢွၼ်ႁႂ်ႈတွၼ်းသေၵဝ်ႇ ႁႂ်ႈၵႃႉဢွင်ႇၶၢႆမၼ်
သၢင်ႉတၼ်ယၼ်ၶိုၼ်ႈ ႁႂ်ႈလႆႈလွတ်ႈလူၼ်ႉပူၼ်ႉသေဢႃႈပေႇသီႇယိူင်ႈ ၵၢပ်ႈလူင်သၢမ်ယိူင်ႈ ယၼ်ႇၸႃႉႁႃႈယိူင်ႈ ဝိပတိတြႃးသီႇယိူင်ႈ ႁႂ်ႈလႆႈပိုင်ႈသေၼႂ်းဢႃႈရပ်ႈဢႄႈပႅတ်ႈပႅတ်ႇၶႂင်ႇ
ႁႂ်ႈလႆႈဝင်ႇၼႂ်းသူႇတေႃႇသတ်ႉတႃႉသတ်ႈထမ်ႇမႃႉႁႂ်ႈလႆႈတူၵ်းၼႂ်းတိႁိဢုၵ်ႉၵထႃႉပတ်ႈတိသၼ်ႇထေႇ
ၵႃႈပဵၼ်ၵႃႇမေႇၶမ်းၸဝ်ႈ ႁႂ်ႈဢၼ်ၶႆႈငဝ်ႈတေႃႇပၢႆယႃႇႁၢႆယႃႇႁူင်ႈ လူင်ႉၸႅင်ႈႁၼ်ၼမ်
ၵႃႈပဵၼ်ၵႂၢမ်းဢႃႈမၵႃႇထႃႇပိူၼ်ႈတၵ်ႉပိူၼ်ႈတွင်ႈပိူၼ်ႈထၢမ်ၸိူဝ်းၼၼ်ႉႁႂ်ႈတွပ်ႇလႆႈၶႆႈၸင်ႈ
ၺႅၼ်ႇၵႂင်ႈႁႂ်ႈမိူၼ်ၼင်ႇၸဝ်ႈသီႇရိပုၵ်ႈတရႃႇမုၼ်ငဝ်းဢႃႇၼႃႇႁႂ်ႈမိူၼ်ၼင်ႇၸဝ်ႈမွၵ်ႉၵရၼ်ႇထေႇ
ၺႅၼ်ႇၵေႇႁႂ်ႈမိူၼ်ၼင်ႇၸဝ်ႈပၵူႇဢႃႈယူႇႁႂ်ႈမိူၼ်ၼင်ႇၸဝ်ႈတေႇမိသတ်ႈတိႁႂ်ႈမိူၼ်ၼင်ႇလွႆသဝ်မိူင်း
ဢူငဝ်းလုၵ်ႉႁိူင်းႁႂ်ႈမိူၼ်ၼင်ႇသၢႆဝၼ်း ၽင်းပႅင်းႁၢင်ႈၽၢင်ႁႂ်ႈမိူၼ်ၼင်ႇၸဝ်ႈမႃႇႁႃႇၵိၸေး
တၢင်းၼေးယႃႇၸၢပ်ႈ ၸုၵ်ႈလၢပ်ႈၸပ်ႈပၵ်ႈၵႃႇႁႂ်ႈမိူၼ်ၼင်ႇၸဝ်ႈသီႇဝရီးဢႃႈသၢၵ်ႈယၢဝ်းႁီး
ႁႂ်ႈမိူၼ်ၼင်ႇၸဝ်ႈမၼ်ႇထၢတ်ႈ တၢင်းလၢတ်ႈႁႂ်ႈမိူၼ်ၼင်ႇၸဝ်ႈဢႃႈၼၼ်ႇၵႃႈသိင်ႇ
ၸေးၸိမ်ႇႁႂ်ႈမိူၼ်ၼင်ႇၸဝ်ႈသၵ်ႉၵျႃႉဝႃႈတေး သဵင်ၵေႃႈႁႂ်ႈလီမိူၼ်ၸိူင်ႉၼင်ႇသဵင်တိင်ႇသဵင်ပႄး
ပတ်ႈတႃႈၼႃးသၼ်ႇၸုင်ႇပုင်ႇတွင်ႇၸွင်းၺႅင်းတၢင်းၽႄႉတၢင်းတွၼ်းႁႂ်ႈမိူၼ်ၼင်ႇၸဝ်ႈဝူၺ်ႇသၼ်ႇတရႃႇ
ဢုၵ်ႈၸႃႇၵိၼ်ယႃႇသဵင်ႈလူႇယႃႇသဵင်ႈ ႁႂ်ႈမိူၼ်ၼင်ႇသတ်ႉထေးၸေႃးတိၵႃႉၸတိလႃႉပိၼ်ႇတၵႃႉ
သတ်ႈထေးလူင်ႁႃႈပႃး ဢမ်ႇမီးဢၼ်ဝႃႈၼၼ်ႉၵေႃႈယႃႇႁႂ်ႈလႆႈႁူႉ ဢမ်ႇႁူႉဢၼ်ဝႃႈၼၼ်ၵေႃႈ
ယႃႇပေႁႂ်ႈလႆႈမီး ၾႆးသိပ်းပၢႆဢဵတ်းမုၵ်ႉယႃႇပေႁႂ်ႈလႆႈၸွမ်းလုၵ်ႉၸွမ်းတုတ်ႇၸွမ်းႁုပ်ႇၸွမ်းမႆႈ
ၼင်ႇၵႃႈဝႃႈမႃးၸိူဝ်းၼႆႉ ႁႂ်ႈဢၼ်သူၵေႃႉပဵၼ်လုၵ်ႈပဵၼ်လၢၼ်လႆႈၸၢမ်ႇၸႃးသေယဝ်ႉ
မိူဝ်ႈလႂ်ထိုင်မႃးၽဝၸၢတ်ႈသုတ်းၸၢတ်ႈသဵင်ႈဝၼ်းလိုၼ်းမိူဝ်းၼႃႈၼၼ်ႉ ႁႂ်ႈလႆႈႁူပ်ႉလႆႈႁၼ်သၼ်ႇတြႃး
မတ်ႈတြႃးၼိပ်ႉပၼ်ႇတြႃးမႅတ်ႈၶၼ်ၶၼ်ဝႆးဝႆးလူၺ်ႈတႃႉလုၵ်ႈလၢၼ်ဢိူၺ်ႉ